كيف تطور الجبسوم بورد علي مدار العصور؟

المؤلف: جبسوم بورد

 

الجبسوم بورد كان له فضل كبير علي صناعة البناء في العالم في السنوات الأخيرة خصوصا بعد إنتاج أنواع خاصة منه قدرت تحل مشاكل إنشائية كتير. لكن هل تعرف إزاي ابتدت الحكاية؟ خلينا ناخدك في جولة و نشوف التطورات اللي حصلت للجبسوم بورد علي مدار السنين...

الحضارات القديمة استخدمت الحضارات القديمة زي الحضارة اليونانية و الفرعونية مادة الجبسوم في البناء، و سابولنا الآثار اللي تشهد علي كده و اللي عرفنا عن طريقها إن الجبسوم كان مادة معروفة و مستخدمة من آلاف السنين. أوروبا ابتدت أوروبا تعرف مادة الجبسوم بعد اكتشاف منجم كبير للمادة الخام قرب العاصمة الفرنسية باريس. الولايات المتحدة بعد انتشار الجبسوم في أوروبا، بدأت أمريكا في استخدامه في البناء و بالذات في واجهات المباني. ايه سبب عدم تقبل الناس وقتها لفكرة الجبسوم بورد؟ كان سعر الحوائط الجافة مقارنة بالحوائط التقليدية أقل بكتير، و مع ذلك الناس مكانتش مقبلة عليها. ده لأنهم اعتبروها رخيصة و فقيرة، و عشان كده كانوا بيمتنعوا عن شراء المنازل المبنية باستخدام الجبسوم بورد. ده بالإضافة إن الجبسوم بورد وقتها مكانش له مواصفاته الجمالية اللي معروف بيها دلوقتي.

الحرب العالمية الأولي لما بدأت الحرب العالمية الأولي زاد الطلب بشدة علي الجبسوم بورد، و كانت الدول محتاجه لإنشاء مباني مقاومة للحريق للحفاظ علي أرواح جنودها. و بعد البحث وجدوا إن الجبسوم بورد بسعره الاقتصادي و بقدرته علي مقاومة الحريق هو الحل المثالي للمشكلة. الحرب العالمية التانية كانت الدول محتاجه تقلل من استخدام الأخشاب أثناء الحرب، ده غير إن طرق البناء التقليدية كانت أسعارها مرتفعة. فكان الحل هو اللجوء للجبسوم بورد لبناء المصانع الحربية و المستشفيات و غيرها. و بعد انضمام الولايات المتحدة للحرب العالمية التانية تم استدعاء كتير من العمال للجيش، و كانت الحوائط الجافة هي الحل لتعويض نقص الأيدي العاملة في مجال البناء. أصبح البناء باستخدام الجبسوم بورد بيعبر عن حب و مساندة الشعب الأمريكي لوطنه، لأنه كان بيسمح ببناء المنشآت خلال فترات أقصر بكتير من الطرق التقليدية، و ده كان مهم للشعب للتركيز أكتر علي المجهود الحربي.

فترة ما بعد الحرب بعد الحرب العالمية التانية و بداية من خمسينيات القرن العشربن بدأت معدلات إنتاج الجبسوم بورد تزيد بشكل كبير، و ده لأن الدول كانت محتاجه لإعادة بناء المدن اللي تم تدميرها في الحرب. و كان الحل هو استخدام الجبسوم بورد بمزاياه الاقتصادية. و بعدها بسنوات زادت أهمية الجبسوم بورد في صناعة البناء العالمية بشكل تدريجي و بدأ يحل محل الحوائط التقليدية بشكل كامل. في الوقت الحالي كل يوم فيه جديد في أفكار و ابتكارات الجبسوم بورد، زي مثلا الجبسوم بورد المقاوم للرطوبة و اللي بيناسب المطابخ و الحمامات. كمان بعض الأنواع عندها القدرة علي مقاومة الفطريات و ده عملي جدا في الأماكن الرطبة، ده غير الأنواع اللي بتتسم بقوة الاحتمال و هي مثالية لاستخدامها في المباني الإدارية و المنشآت العامة.  الرؤية المستقبلية للبحث العلمي دور كبير في اعتماد أساليب و تقنيات جديدة في تصنيع الجبسوم بورد و تركيبه، وده بيخلي العالم كله ينتظر و بشغف المستقبل الواعد في مجال صناعة الحوائط الجافة.